Жорий йилнинг 15-22 ноябрь кунлари Ўзбекистон ҳукумати делегациясининг Америка Қўшма Штатларига ташрифи режалаштирилмоқда, дея хабар беради.
АҚШ билан икки томонлама сиёсий маслаҳатлашувда иштирок этиш мақсадида ушбу давлатга йўл оладиган мамлакатимиз ташқи ишлар вазири Абдулазиз Комилов бошчилигидаги делегациямиз таркибидан, шунингдек, Олий Мажлис Сенати ва Қонунчилик палатаси, Инвестициялар ва ташқи савдо вазирлиги ва бошқа давлат идоралари масъул вакиллари ҳам ўрин олган.
Ўзбекистон делегацияси аъзолари хизмат сафари давомида Вашингтон ва Нью-Йорк шаҳарларида бўлиб ўтадиган қатор музокараларда иштирок этади.
