Ҳунармандлар: Маданий мерос хафталиги санъатимизни намоён этиш учун катта имконият бўлди!

Республика Ёшлар ижод саройида Маданий мерос ҳафталиги ва «Ўзбекистон маданий мероси – янги Ренессанс пойдевори» мавзусидаги IV халқаро Конгресси ўз ишини бошлагани хакида маьлум килган эдик. Хафталик давомида ишларини намоён килаётган хунармандлар бу борада фикрларини билдириб ўтишди:

Оятиллоҳ Мадалиев, мисгар: 

Ижодий маҳсулимизни оммага тақдим этиш учун "Маданий мерос" ҳафталиги катта имконият бўлди. Ҳафталикка ташриф буюрган меҳмонлар иш жараёнимизга катта қизиқиш билдиришяпти. Уларнинг эътиборини тортаётган энг муҳум нарса - бизда ишлатилган композиция қайталанмайди, ташриф буюрганлар "ҳеч бир ҳунармандчилик ишларингиз бир-бирини такрорламас экан" дея ҳайратда.

Ҳамрожон Қодиров, кулол:

30 йил Риштон керамика заводида ишлаганман. Биз ҳалол меҳнат ортидан оддий лойдан гўзал буюмлар яратамиз. Меҳмонлар Ўзбекистоннинг айнан қаеридан келганимизга, ҳунармандчилик ишларимизга қизиқишди. Мени ҳурсанд қилган нарса чет элликлар сопол идишларга ўзгача муҳаббат қўйишган.

Сурайё Ҳалилова, каштачи:

Онам иккимиз деярли 20 йилдан буён каштачилик ҳунармандчилиги ичидамиз. Маданий мерос ҳафталигига ташриф буюрган меҳмонларни каштачилигимиздаги ранг-баранглик жуда ҳаяжонга солмоқда. Миллий кийимларимиздан кўп-кўп сотиб олишяпти. Қолаверса матоларимиз пахта ва ипакдан эканлиги учун ҳам чет элликлар ушбу каштачилик санъатига муҳаббат қўйишган.

Абдуллоҳ Убайдуллаев, ёғоч ўймакори: 

Мен 14 йилдан буён мана шу ёғоч ўймакорлиги соҳасида фаолият юритаман. Келаётган туристларнинг биринчи навбатда қизиқтирган нарса, бизнинг ўймакор нақшларининг ниҳоятда нафислиги. Туристларни бизнинг ҳунармандчиликка қизиқишини оширишида шу каби маданий мерос ҳафталиклари айни муддао бўлди дейишим мумкин.

Моҳигул Диёрхўжаева тайёрлади