Ижтимоий тармоқларда "Чилонзор “Оқтепа”да 2021 йилнинг биринчи аварияси" сарлавҳаси остида видео тарқалган. Ўзбкистон ИИВ ЙҲХББ Ахборот хизмати ушбу ҳолат юзасидан маълумот берди.
Унга кўра, ЙТҲ 31 декабрь куни соат 01:30ларда Тошкент шаҳрининг Чилонзор тумани Лутфий кўчасида жойлашган “Микрокредитбанк” қаришисида рўй берган.
1996 йилда туғилган ҳайдовчи “Ласетти” русумли автомашинада ҳаракат йўналишини тўртинчи қатордан биринчи қаторга кескин ўзгартириши натижасида “Нексия-3” автомашинаси билан тўқнашиб кетган.
Ушбу йўл-транспорт ҳодисасида ҳеч ким тан жароҳати олмаган.
