Самарқанд шаҳрида уй-жой масаласида ўзаро келиб чиққан низоли вазият сабаб хотинини қасддан ўлдирган ва уйини ёқиб юборган шахсга нисбатан Жиноят ишлари бўйича Самарқанд шаҳар судида ҳукм ўқилди. Бу ҳақда "Замон" информацион дастурида хабар қилинди.
Маълум қилинишича, эркак 2001 йилда ҳам аёлини ўлдиришга уринган. Унга нисбатан 2001 йилда Жиноят кодексининг 97-моддаси асосан 10 йил муддатга озодликдан маҳрум қилиш жазоси тайинланган. Бироқ ўшанда аёли даъвоси йўқлигини билдириб, суддан енгиллик сўрагани сабаб жазо енгиллаштирилиб, 5 йилга озодликдан маҳрум қилинган. Шундан сўнг у амнистия билан озод қилинган.
Тергов ва суриштирувда аниқланишича, сартарошлик билан шуғулланувчи 53 ёшли эркак ва тикувчилик қилган марҳум аёл ўртасида уй-жой масаласида келишмовчиликлар бўлиб турган. Навбатдаги жанжалларнинг бирида эркак аёлини ўлдириб қўйган. Хабарга кўра, эркак ўз жонига ҳам қасд қилган, бироқ тасодиф сабаб ўлмай қолган.
Судланувчи судга берган кўрсатмасида аёли уни умуман ҳурмат қилмаганини, укаси ва сингилларига ёрдам қилгани аёлга ёқмагани, шу сабаб тез-тез оилавий келишмовчиликлар бўлишини айтган. Шунингдек, эркак ўз айбига иқрор бўлган.
У Жиноят кодексининг 97-моддаси 2-қисмида назарда тутилган жиноятни содир этганликда айбли деб топилди ва унга ушбу модда билан 18 йилдан озодлик маҳрум этиш жазоси белгиланди.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...