22 январь куни "Ўзбеккино" Миллий агентлигида Россиянинг «Мастерская» кинокомпанияси бош продюсери, режиссёр ва сценарист Саида Медведева билан Ўзбекистон ҳақида ҳужжатли фильм суратга олиш юзасидан видеоконференция ўтказилди.
Конференцияда Россия кинокомпанияси билан биргаликда суратга олиниши белгиланган фильмнинг концепцияси, шунингдек, россиялик киноижодкорларнинг мамлакатимизга ташрифи билан боғлиқ масалалар муҳокама қилинди.
Таъкидлаш жоизки, "Ўзбеккино" Миллий агентлигининг Россия кинокомпанияси билан ҳамкорликда суратга олишни режалаштирган фильми Ўзбекистон стратегиясига боғлиқлиги билан муҳим аҳамиятга эга.
