Сўнгги бир ярим ой ичида Ҳиндистоннинг турли ҳудудларида 700 дан ортиқ одам номаълум касалликка чалинди. Бу ҳақда ПЛAНЕТAНОВОСТИ хабар берди.
Хабарда айтилишича, бу умуман янги касаллик бўлиб, олимлар уни аниқлай олишмаяпти.
Манбаларда айтилишича, одамлар нормал ҳаёт кечирадилар, сўнгра бирдан ҳушидан кета бошлайдилар. Бир ярим ой давомида бир нечта ўлим ҳолати ҳам қайд этилган.
Сўнгги бир неча кун ичида 29 киши касалланди. Улардан бири вафот этди, қолганларнинг ҳаммаси дарҳол Дендулуру ҳудудида жойлашган Бирламчи тиббий ёрдам марказига ётқизилган. Беморларнинг бир қисми яшаш жойига қараб бошқа касалхоналарга юборилган.
ЖССТ вакиллари номаълум касалликнинг сабабларини аниқлаш учун нафақат қон, балки сув ва маҳаллий озиқ-овқат маҳсулотларидан кўплаб намуналарни тўплади. Бироқ расмийлар натижаларни ошкор қилишга шошилмаяпти.
