Бугун "Ўзбеккино" Миллий агентлигида Агентлик буюртмасига биноан "Ўзбекфильм" киностудияси томонидан суратга олинган “Ҳайрат” бадиий фильмининг журналист ва блогерлар учун махсус намойиши бўлиб ўтди. Бу ҳақда “Ўзбеккино” Миллий агентлиги Ахборот хизмати хабар берди.
Ушбу фантастик-бадиий фильмда бир киносценаристнинг ҳаётида юз берган кутилмаган ҳодисаларнинг ижтимоий ва психологик таҳлили акс эттирилган.
Сценарий муаллифи ва постановкачи режиссёр Зулфиқор Мусоқов, режиссёр Музаффар Шодиев, постановкачи оператор Азиз Арзиқулов, рассом Сергей Чуфарнов, фильм директори Шуҳрат Ҳамидуллаев.
Ролларда Бобур Йўлдошев, Феруза Саидова, Нигора Каримбоева, Фарҳод Абдуллаев, Шаҳноза Валиева ва бошқалар.
