Организмида коронавирусга қарши шаклланган антитаначалари юқори даражада бўлган одам CОVID-19’ни қайтадан, аммо бу сафар аломатларсиз шаклда юқтириб олиши мумкин. Бу ҳақда Россия Соғлиқни сақлаш вазирлиги ҳамда Москва Соғлиқни сақлаш департаментининг ОИВ инфекцияси бўйича штатдан ташқари мутахассиси Алексей Мазус маълум қилди.
- Айни пайтда антитаначаларни ўлчаш урфга кирган. Аммо бу кўрсаткич шартли титрлар (рақамлар)гина ҳисобланади. Агар титрлар мавжуд бўлса, бу ҳимоя қилиш имкониятини борлигини англатади, холос. Бироқ уларнинг юқори даражасига эга бўлганларнинг ҳам бир неча кун давомида CОVID-19’ни аломатларсиз бошдан ўтказиши ёки аксинча, титрлари сони жуда кам бўлганларнинг хасталикка бошқа умуман чалинмаслигига гувоҳ бўлдик.
