Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов Ўзбекистон чегарасини икки ойда 378 мингдан ортиқ йўловчи кесиб ўтганини маълум қилди.
Хабарга кўра, 2020 йилнинг 25 декабридан то бугунги кунгача халқаро аэропортлар орқали 708 та самолёт, темир йўллар орқали 8 та поезд ва автомобиль йўллари орқали 70 340 та автотранспорт республика ҳудудига кириб келган. Ушбу кириб келган транспортлар ёрдам 378 454 нафар йўловчи тиббий санитария кўригидан ўтказилган бўлса, улардан 131 874 нафари чет эл фуқароларидир.
Қайд этилишича, кириб келган 325303 нафар йўловчи ва автотранспорт ҳайдовчиларидан коронавирус инфекциясига намуна олинган бўлиб, улардан 173 нафарида экспресс усулида мусбат натижа аниқланган. Жумладан, авиайўловчиларнинг 72 нафарида, автомобиль йўллари орқали келган йўловчи ва халқаро юк ташувчиларнинг 101 нафарида мусбат натижа аниқланган.
