Тожикистонга кеча коронавирусга қарши AstraZeneca вакцинанинг 192 минг дозадаги биринчи партияси Ҳиндистондан етказиб берилди. Бу ҳақда Халқаро ва жаҳон сиёсати, ижтимоий-иқтисодий хабарлар ва таҳлил канали ёзмоқда.
Тожикистон соғлиқни сақлаш вазирлиги вакцинанинг қолган қисми яқин келажакда мамлакатга босқичма-босқич етказиб берилишини айтмоқда. Мамлакат COVID-19 вакцинасини Европанинг COVAX дастури асосида олган.
Шу мақсадда Тожикистонга AstraZeneca вакцинасининг 732 минг дозаси берилади ва аҳолининг 20 фоизини эмлаш режалаштирилган. Вакцина биринчи навбатда аҳолининг энг заиф қатламларига, масалан, 70 ёшдан ошганларга, сурункали юқумли бўлмаган касалликларга чалинганларга, соғлиқни сақлаш ходимлари ва ҳарбий хизматчиларга берилиши керак.
Иккинчи босқичда Тожикистонда 60 ёшдан ошганлар, кейин 50 ёшдан ошганлар эмланади, бу - 1,8 млндан ортиқ одам. Шу билан бирга, 18 ёшгача бўлганлар ҳали рўйхатга киритилмаган. Қолган 42,5 фоиз аҳоли бошқа мамлакатлардан келтирилган препарат билан эмланади. Улар Хитойда ёки Россияда ишлаб чиқарилган бўлиши мумкин.
Шундай қилиб, учинчи босқичда 3,9 млн киши эмланади. Умуман, Тожикистонда 5,8 млн киши коронавирусга қарши эмланиши керак.
t.me/geo_siyosat
