Бутунжаҳон соғлиқни сақлаш ташкилоти Тожикистонда полиомиелит эпидемияси тарқалганини эълон қилди. Бу ҳақда Риа новости хабар берди. Хабарда айтилишича, вазият фавқулодда ҳолат деб таснифланади, бу вазият мураккаблигининг иккинчи даражасига тенг.
18 март ҳолатига кўра, Тожикистонда айланма вакцинадан келиб чиққан 2-турдаги полиовирус (cВДПВ2) билан касалланган болаларда фалаж касаллигининг тўртта ҳолати қайд этилди.
8 март куни ЖССТ Тожикистонда аниқланган cВДПВ2 ҳолатлари тўғрисидаги маълумотларни кўриб чиққан.
Хабар қилинишича, cВДПВ2 нинг биринчи ҳолати, ўткир шол фалаж (AФП) бошланиши билан бирга ўтган йилнинг 22 ноябрида Хатлон вилоятида қайд этилган ва ҳозирда Покистонда айланиб юрган вирус тури билан боғлиқ. Иккинчи фалаж ҳолати шу йилнинг феврал ойида Хатлон вилоятида AФП симптомлари бўлган болада тасдиқланган. 8 март куни Ҳисор шаҳрида AФП билан инфантил фалажнинг яна икки ҳолати тасдиқланган.
Бундан ташқари, cВДПВ2 Душанбедаги янги ташкил этилган кузатув майдончасида олинган учта экологик намунада ҳам аниқланди.
Жаҳон соғлиқни сақлаш ташкилотининг баёнотида айтилишича, эпидемияни пухта текшириш ишлари олиб борилмоқда, жумладан касалхоналарга мурожаат қилиш, контактларни аниқлаш ва вакцинацияни қамраб олиш маълумотларини субмиллий даражалардан ўрганиш.
2021 йил февраль ойида мамлакатда 2-турдаги полиовирус вакцинасини ўтказиб юбориши мумкин бўлган барча болалар касалликни ривожланишидан ва вирус билан алоқа қилишда фалаждан сақланишини таъминлаш учун инактивацияланган полиовирус вакцинаси (ИПВ) ёрдамида режалаштирилган умуммиллий эмлаш кампанияси якунланди.
Тожикистон Соғлиқни сақлаш вазирлиги ЖССТ баёнотига ҳозирча изоҳ бермади.
