Инсонда пайдо бўлган антитаначалар 3 ойдан кейин йўқ бўлиши ростми?
АОКАда ўтказилган брифингда Коронавирусга қарши кураш штаби аъзоси Севара Убайдуллаева ушбу чаволга жавоб берди.
"Бугунги кунда коронавирусга чалиниб соғайган инсонлар организмида пайдо бўлган антитаначалар 3, 6, 9 ой давомида сақланиб қолиши кузатилмоқда. Касалланиб соғайгандан сўнг 1 ой ўтиб, Иммоноглбулин-тест текшируви билан антитаначалар ҳосил бўлган ёки йўқлигини аниқлаш мумкин.
Шунингдек, 3 ёки 6 ойдан сўнг ҳам қайта текширувдан ўтиб, антитаначалар сақаланиб қолган титр кўрсаткичларини аниқлашлари мумкин бўлади. Лекин россиялик олим Чучалиннинг яқинда чоп этган тадқиқотига кўра, 2020 йил куз фаслида коронавирус инфекциясининг ҳар қандай тури билан касалланган киши 2021 йилнинг куз фаслида эмланиши мақсадга мувофиқлигини таъкидлаган. Вакцина қўшимча иммунитет ҳосил қилишга ёрдам беради",–дейди мутахассис.
