«Zhifei Loncom Biofarmaceutical» компанияси мутахассиси, олим Луи Пенг Фей Ўзбекистон–Хитой ҳамкорлигида яратилган вакцина нега 3 дозада олинишига изоҳ берди.
Олимнинг сўзларига кўра, вакцинасининг биринчи дозасини олгандан сўнг 30 ва 60 кун ўтганидан кейин тегишли равишда 2- ва 3-дозалар билан ўз вақтида эмланиш организмда вирусга қарши антитаначаларнинг ҳосил бўлишига олиб келади.
«Хитойда кўнгилли фуқаролар орасида вакцинани клиник синовлардан ўтказдик. Тадқиқот кузатувларига кўра, ‘ZF-UZ-VАC2001’ вакцинасининг биринчи дозасини олгандан сўнг 30 ва 60 кун ўтганидан кейин тегишли равишда 2- ва 3-дозалар билан ўз вақтида эмланиш организмда вирусга қарши антитаначаларнинг ҳосил бўлишини аниқладик. Айтишим мумкинки, вакцинанинг 1-дозаси билан эмланган фуқарода вирусни қайта юқтириш эҳтимоли мавжуд. Бироқ 2- ва 3-дозалари билан эмланган фуқароларда антитаначалар сезиларли равишда кўтарилиши олиб борилган тадқиқотларимизда исботланди», — дейди компания мутахассиси.
