"Пойтахт банк” АЖ ва “Ўзагроэкспортбанк” АТБ устав капиталларидаги давлат акция пакетлари сотилаётгани эълон қилинди. Бу ҳақда Давактив агентлиги ахборот хизмати хабар берди.
Маълум қилинишича, иккала банкнинг ҳам 100 фоиз давлат акция пакетлари нархларини максимал қийматда, шу билан бирга келгусида банкнинг молиявий ҳолати барқарорлигини ошириш ва ривожлантириш шартлари билан оммавий савдолар орқали сотиш режаси эълон қилинмоқда.
