️Жорий йилнинг 22 май куни соат 19:20ларда, Фарғона вилояти, Қува тумани, Пахтакор МФЙда жойлашган "Шаффоф" номли автотранспорт воситаларига газ қуйиш шахобчасида, ҳайдовчи, 1986 йилда туғилган Т.А. бошқариб келган, газ тўлдирилаётган "Ваз-2101" русумли автомобилнинг газ баллонида портлаш содир бўлган. Бу ҳақда Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармаси хабар берди.
️Хабарда айтилишича, ҳодиса натижасида, яқин атрофда турган фуқаролар, 32 ёшли Т.Ф. ҳамда 58 ёшли А.Х.лар тан жароҳати билан шифохонага олиб кетилган.
️Мазкур ҳодиса юзасидан туман ИИБ ЙҲХБ ва ФВБ томонидан суриштирув ҳаракатлари олиб борилмоқда.
️"Барча ҳайдовчилардан бошқарувидаги транспорт воситасига ўрнатилган газ баллоннинг яроқлилигига эьтиборли бўлишларини сўраймиз",–дейилади ЙҲХББ хабарида.
