Бироз аавал давлат ташқи қарзи, қайси молиявий ташкилотлардан қанча миқдорда жалб қилингани, уни қайтариш қобилиятимизнинг қандай баҳоланаётгани ҳақида маълумот берган эдик.
Молия вазирлигининг ҳисобот беришича, 2021 йилнинг I чорак якуни бўйича жами давлат ташқи қарзининг 4,4 млрд. доллари давлат бюджетини қўллаб-қувватлашга ажратилган.
Давлат ташқи қарзи тармоқлар кесимида қуйидагича тақсимланди:
• 20,8 фоизи ёки 4,4 млрд. доллар давлат бюджетига;
• 14,5 фоизи ёки 3,0 млрд доллар электр-энергетика соҳасига;
• 11,3 фоизи ёки 2,4 млрд доллар транспорт ва транспорт инфратузилмасига;
• 9,4 фоизи ёки 2,0 млрд. доллар уй-жой коммунал хўжалиги соҳасига.
