Бутунжаҳон соғлиқни сақлаш ташкилоти (ЖССТ) бундан буён COVID-19ни келтириб чиқарадиган SARS-CoV-2 коронавирусининг штаммларини юнон алифбосидаги ҳарфлар билан белгилайди. Бу ҳақда ТАСС хабар бермоқда.
Унинг Женевадаги штаб-квартираси душанба куни янги тизим оддий бўлиши ва янги белгиланишни "талаффуз қилиш ва эслаб қолиш осон" бўлишини тушунтириб, бу ҳақда эълон қилди.
"ЖССТ SARS-CoV-2, COVID-19ни келтириб чиқарадиган вируснинг асосий вариантлари учун юнон алифбосидаги ҳарфлардан фойдаланган ҳолда содда, талаффузи осон ва ёдланадиган белгиларни ўрнатди", дейилади ташкилот хабарида.
ЖССТ ушбу белгилар "кенг кўламли маслаҳатлашув ва кўплаб потенциал номлаш тизимларини ҳисобга олган ҳолда танланган" деб тушунтирди. Бунинг учун "бутун дунёдан шериклар гуруҳи чақирилди".
Штаммларнинг янги ёрлиғи ҳозирги илмий номлаш тизимини йўққа чиқармайди, чунки у "муҳим маълумотларни етказади ва тадқиқотларда фойдаланишда давом этади". Бироқ, ушбу тизимнинг зарарли томони шундаки, "илмий номларни талаффуз қилиш ва эслаш қийин бўлиши мумкин" ва бу хабарларда хатоларга олиб келиши мумкин. Натижада, "одамлар кўпинча [коронавируснинг] навларини топилган жойига қараб номлашади, бу туҳмат қилувчи ва камситувчи бўлиши мумкин". Бунга йўл қўймаслик ва жамоат алоқасини осонлаштириш учун ЖССТ миллий ҳокимият ва оммавий ахборот воситаларини "янги белгиларни ишлатишга" чақиради.
