Кинематография агентлиги, Ўзбекистон Республикаси Маҳалла ва оилани қўллаб-қувватлаш вазирлиги, Ўзбекистон электрон оммавий ахборот воситалари миллий ассоциацияси, “Mening yurtim” телеканали ҳамда “Fan entertainment” киностудияси билан ҳамкорликда суратга олинган “Қодирхон” миллий сериалининг намойишлари ниҳоясига етди.
Мазкур сериал 120 қисмдан иборат бўлиб, мелодрама жанрида суратга олинган. Постановкачи режиссёр Нусрат Абдурасулов, сценарий муаллифи ва иккинчи режиссёр Муслим Али, продюсер Бахтиёр Фаттоҳов, оператор Тоҳир Абдуллаев, бадиий раҳбар Мусахон Нурматов, монтаж режиссёри Ҳожиакбар Нурмуҳаммедов.
Барча қисмлар “Mening yurtim” телеканалида эфирга узатилди. Ушбу лойиҳа агентликнинг хусусий телеканаллар билан ҳамкорликдаги илк лойиҳаси бўлди. Ҳозирда яна ҳамкорликда “Орзулар палатаси”, “Тузоқ”, “Она замин” каби миллий сериаллар суратга олинмоқда.
