Ўзбекистонда сабзининг нархи тушиши кутилмоқда. Бу хақда Қишлоқ хўжалиги вазирлигининг Ахборот хизмати маълумот берди.
Хабарга кўра, мамлакатимиз вилоятларида эрта баҳордаги совуқ об-ҳаво туфайли тўлиқ етилиши деярли бир ойга кечиккан эртаки сабзи ҳосилининг йиғим-терим ишлари бошланган.
Оммавий терим ишлари июль ойининг дастлабки кунларига белгиланган. Бу бозорни янги сабзи билан тўлиқ таъминланишига ва ушбу сабзавот нархининг тушишига олиб келади.
