“Ўзбекнефтгаз” АЖ Газли нефть ва газ қазиб чиқариш бошқармасида Ўзбекистон Республикаси Миллий гвардияси билан ҳамкорликда бир қатор ишлар амалга оширилмоқда. Бу ҳақда “Ўзбекнефтгаз” АЖ Матбуот хизмати хабар берди.
“Ўзбекнефтгаз” АЖ Бошқаруви раиси Меҳриддин Абдуллаев ташаббуси билан Газли ҳудудида содир этилаётган конденсат ўғирлиги олди олиниб, аниқланган ҳолатлар бўйича ҳуқуқ-тартибот идоралари билан самарали ҳамкорлик қилинмоқда.
Газли нефть ва газ қазиб чиқариш бошқармасига қарашли “Кулбешкак” ва “Учқир” конларида Миллий гвардия ҳарбий хизматчилари билан ўтказилган навбатдаги ўрганишлар жараёнида, худдики чўпон сифатида фаолият юритиб, аслида конденсат ўғирлиги билан шуғулланаётганлар аниқланди.
У ерда конденсат сақлаш жойи аниқланиб, ҳажми 20 литрдан бўлган 15 дона, ҳажми 200 литр бўлган 1 та дона пластмасса идиш ашёвий далил сифатида олиб қўйилди.
Шунингдек, идишларда 100 литр дизель ёнилғиси борлиги ҳам аниқланган бўлиб, маҳсулот ашёвий далил сифатида тергов органларига топширилиши учун олиб қўйилди. Ўз навбатида, ўрганишлар жараёнида давлат рақамисиз ҳаракатланган юк автомашиналари борлиги ҳамда уларнинг мақсадсиз юргани аниқланган. Юк автомашиналарида саксовул ортилган бўлиб, табиатга зарар етказилгани ҳолати ҳам фош этилди.
Таъкидлаш керакки, “Ўзбекнефтгаз” АЖ коррупцияга ҳамда давлат табиий бойликларини талон-тарож қилаётганларга қарши курашиш учун Давлат хавфсизлик хизмати ходимлари, Миллий гвардия, Прокуратура, Ички ишлар органлари билан ҳамкорликни йўлга қўйган бўлиб, аниқланган ҳолатлар бўйича жиноят иши очилмоқда.
Эслатиб ўтамиз, Бошқарув раиси Меҳриддин Абдуллаевнинг Газли нефть ва газ бошқармасига сўнгги ташрифи давомида, Миллий гвардия ҳарбий хизматчилари билан ҳамкорликда токи ўғирликлар, талон-тарож ҳолатлари якунланмас экан, унга қарши кескин кураш давом этиши билдирган ва бу борада алоҳида топшириқлар берган эди.
06.12.2021, 09:52
2021 йилнинг 2 декабр куни Ўзбекистон республика товар-хомашё биржасининг эрталабки сессиясида Тошкент шаҳрида жойлашган “ITP INTER TOPFULL PETROL” компанияси томонидан 60 тонна “AИ-98” (тоннаси учун...09.10.2021, 16:48
“Ўзбекнефтгаз” АЖ Бошқаруви раиси Меҳриддин Абдуллаевнинг топшириғи билан тизимда харидларнинг шаффофлигини таъминлаш ва соғлом рақобат муҳитини яратиш мақсадида, амалга оширилаётган харидлар бўйича эълонлар, барча керакли...26.08.2021, 17:57
Мустақиллигимизнинг ўттиз йиллиги муносабати давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида Ўзбекистон Республикаси Президенти Шавкат Мирзиёевнинг Фармони имзоланди.Қувонарлиси, Ўзбекистоннинг...15.08.2021, 11:13
“Ўзбекнефтгаз” АЖ Бошқаруви раиси Меҳриддин Абдуллаев бошчилигидаги “Ишчи гуруҳ” аъзолари инвестицион лойиҳа доирасида амалга оширилаётган қурилиш-монтаж ишларининг якуний босқичи ҳолатини ўрганиш ҳамда келгуси вазифаларни муҳокама...