Хонанда ва бошловчи Толибжон Исроилов коронавирусга чалиниб, Зангиотадаги касалхонага ётқизилди. Бу ҳақида бошловчининг ўзи ижтимоий тармоқдаги саҳифаси орқали маълум қилди.
«Вирус танага тушгандан сўнг сездирмасдан, жуда тез ўпкани қамраб оляпти. Бу жараён сезиларсиз кечаётгани ўта хавфли дейилмоқда. Менда иситма билан қаттиқ кечди. Айниқса, иситма ёмон оқибат экан.
Менимча вакцина олишни қайсидир сиёсатчи, вазир намунасидан андаза қараб эмас Аллоҳга таваккал, саломатлик ниятида олавериш керак. То ана у олди, фалончи оляпти - деб, тадбир - кўргазмага қараб ўтирсак кеч бўлиши аниқ" — дейди Толибжон Исроилов.
