Кипр президенти: Миср самолётининг олиб қочилиши теракт эмас

ДУНЁ 29.03.2016, 14:51
Кипр президенти: Миср самолётининг олиб қочилиши теракт эмас

Кипр президенти Никос Анастасиадис Мисрга тегишли ҳаво лайнерининг олиб қочилиши теракт эмаслигини маълум қилди. Бу ҳақда “Вести” хабар бермоқда.

“Ҳар доим ҳамма нарса аёллар билан боғлиқ”, – деди у бўлиб ўтган ҳодисани изоҳлар экан.

Бугун эрталаб Иброҳим Сомахи исмли шахс Egypt Air  авиакомпаниясининг Искандария-Қоҳира йўналишида парвоз қилаётган А320 самолётини гаровга олди.

У самолёт командирини Ларнак аэропортига қўнишга мажбур қилиб, акс ҳолда ўзини портлатиб юбориш билан таҳдид қилди.

Самолёт қўнгач у гаровдаги йўловчиларнинг барчасини озод қилган. Айрим маълумотларга кўра, ҳозирда самолёт ичида фақат экипаж аъзолари қолган. Самолётни олиб қочган шахс унга сиёсий бошпана тақдим этилишини талаб қилмоқда. Бундан ташқари, у Кипрда яшовчи собиқ рафиқасига хат бериб юборган. Полициячилар айни пайтда аёлни излаб топишган ва у турмуш ўртоғи билан музокараларда иштирок этиш учун аэропортга келган.

 

Шарҳлар

Об-ҳаво: Тошкент
+4.97° app.небольшой проливной дождь
Валюта курси
11295.23
USD 12.25
12423.62
EUR 144.35
161.33
RUB 0.41
1