"Мамлакатимиздаги ўртача кўрсаткичдан паст" – Давлат раҳбари Тошкент вилоятида саноатни ривожлантириш бўйича кўрсатмалар берди

ЖАМИЯТ 11.08.2021, 07:59
Теглар: Шавкат Мирзиёев
"Мамлакатимиздаги ўртача кўрсаткичдан паст" – Давлат раҳбари Тошкент вилоятида саноатни ривожлантириш бўйича кўрсатмалар берди

Президент Шавкат Мирзиёев 10 август куни Тошкент вилоятида саноатни ривожлантириш масалалари бўйича йиғилиш ўтказди. Бу ҳақда Президет Матбуот хизмати хабар берди.

Шу йил 3 август куни бўлиб ўтган биринчи ярим йилликдаги иқтисодий натижалар таҳлилига бағишланган видеоселектор йиғилишида Президентимиз Тошкент вилоятида саноат ривожи учун қулай шароитлар борлиги, бу соҳада жиддий ўзгариш қилиш зарурлигини таъкидлаган эди. Шунга мувофиқ, қўшимча чора-тадбирлар режаси ишлаб чиқилди.

Жорий йилнинг биринчи ярмида вилоятда қарийб 7 триллион 700 миллиард сўмлик маҳсулотлар тайёрланиб, ўсиш 4,6 фоизни ташкил этган. Лекин бу мамлакатимиздаги ўртача кўрсаткичдан паст. Шу боис, йил якунигача жами 18 триллион сўмлик товарлар ишлаб чиқариб, йиллик 8,5 фоиз ўсишга эришиш мўлжалланган.

Бунинг учун янги лойиҳаларни амалга ошириш, кам қувватда ишлаётган ёки тўхтаб қолган корхоналарни қўллаб-қувватлаш, бўш турган бинолардан самарали фойдаланиш орқали ҳудудий саноатни ривожлантириш асосий мақсад қилиб қўйилган. Шунингдек, транспорт-логистика, хизматлар, қишлоқ хўжалиги, қурилиш соҳалари устувор йўналиш этиб белгиланган.

Йиғилишда ушбу соҳаларда амалга ошириладиган истиқболли лойиҳалар тақдимот қилинди.

Масалан, Зангиота туманида 1 минг 494 та саноат корхонаси бор. Жорий йилнинг 6 ойида улар томонидан қарийб 600 миллиард сўмлик маҳсулотлар ишлаб чиқарилган. Бу йил 15 та лойиҳа амалга оширилиб, яна 51 миллиард сўмлик қувват ташкил этилади.

Зангиота саноат маркази лойиҳасини алоҳида айтиб ўтиш мумкин. 116 гектар майдонда барпо этиладиган ушбу саноат ҳудудида 165 та лойиҳани жойлаштириш мўлжалланган. Уларнинг самарасида 12 мингта иш ўрни яратиш, 48 миллион долларлик экспорт қилиш ва 9 миллион долларлик импорт ўрнини тўлдириш ҳисоб-китоб қилинган.

Ангрен шаҳрида корхоналар сони нисбатан кам – 577 та бўлса-да, уларнинг салоҳияти юқори. Шаҳарнинг Тошкент вилояти саноат ҳажмидаги улуши 28 фоиз. Жорий йилнинг 6 ойида у ерда 2 триллион сўмликдан зиёд маҳсулотлар тайёрланган. Иккинчи ярим йилликда яна 15 та лойиҳа ишга туширилади.

Бундан ташқари, умумий қиймати 560 миллион долларлик 124 та лойиҳа шакллантирилган. Уларнинг натижасида 39 мингта иш ўрни, 3 триллион сўмлик ишлаб чиқариш қуввати ташкил этилиши кўзда тутилган.

Тошкент туманида умумий қиймати 335 миллиард сўмлик 32 та, Чирчиқ шаҳрида умумий қиймати 422 миллиард сўмлик 20 та лойиҳа амалга оширилиши режалаштирилган.

Йиғилишда вилоятнинг барча туман ва шаҳарларидаги имкониятлар кўриб чиқилди.

Давлатимиз раҳбари Тошкент вилоятида имкониятлардан тўғри фойдаланилмаётганини қайд этиб, саноат тармоқларида янги лойиҳаларни кўпайтириш, қўшилган қийматли маҳсулотлар ишлаб чиқариш муҳимлигини таъкидлади. Йил якуни билан ҳудудий саноат ҳажмини 40 фоизга ошириш вазифаси қўйилди. 

Мавжуд заводлар фаолиятини кенгайтириш, саноати ривожланмаган туманларда корхоналар ташкил этиш, йўл бўйи хизматларини ривожлантириш бўйича топшириқлар берилди.

Шарҳлар

Гурбангули Бердимуҳамедов Шавкат Мирзиёевга туркман халқи алоҳида қадрлайдиган алабай зотли кучук совға қилди (видео)

21.10.2022, 13:45

Туркманистонга расмий ташриф доирасида Ўзбекистон Президенти Шавкат Мирзиёев ушбу мамлакат Парламентининг юқори палатаси раиси Гурбангули Бердимуҳамедов билан учрашди, дея хабар бермоқда Прехидент матбуот хизмати. Давлатимиз раҳбари...
"Афғонистондаги вазиятни ҳал этиш ва у ерда тинч ҳаётни тиклаш муҳим". Шавкат Мирзиёев Остонадаги саммитда нутқ сўзлади

13.10.2022, 11:20

Ўзбекистон Президенти Шавкат Мирзиёев Остона шаҳрида бўлиб ўтаётган Осиёда ҳамкорлик ва ишонч чоралари бўйича кенгаш VI саммитида нутқ сўзлади. Ўзбекистон раҳбари Афғонистондаги вазиятни ҳал этиш ва...
Шавкат Мирзиёев Урганчда Жалолиддин Мангуберди ҳайкалини очиб берди (фото)

29.08.2022, 11:46

Аввал хабар қилганимиздек, Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этиш учун Хоразм вилоятига...
Шавкат Мирзиёев ташрифни Мадинаи Мунаввара зиёратидан бошлади (видео)

17.08.2022, 16:42

Саудия Арабистони Подшоҳи Салмон бин Абдулазиз Ол Сауднинг таклифига биноан ушбу мамлакатга борган Ўзбекистон Республикаси Президенти Шавкат Мирзиёев ташрифни Мадинаи мунаввара зиёратидан бошлади. Ўзбекистон раҳбари Мадина...
Об-ҳаво: Тошкент
Валюта курси
1