Толибон Президент саройини эгаллаб олганидан сўнг, душанба куни минглаб одамлар Aфғонистонни мамлакатдаги ягона Кобул аэропорти орқали тарк этишга ҳаракат қилмоқда. Оммавий тиқилинч ва отишма оқибатида камида беш киши ҳалок бўлгани ҳақида хабар берилган. Euronews ҳам буни таъкидламоқда.
Ижтимоий тармоқларда жойлаштирилган видеоларда одамларнинг ваҳима ичида аэропортга югургани, минглаб одамлар навбатда тургани, баъзилари самолётга ўтирмоқчи бўлган рампаларга ёпишгани кўрсатилган. Хабарларга кўра, уларни эвакуация қилаётган америкалик ҳарбийлар оломонни тинчлантириш учун ҳавода огоҳлантирувчи ўт очишга мажбур бўлган.
"Биз бу шаҳарда яшашдан қўрқамиз ва Кобулдан қочишга ҳаракат қиляпмиз", деган ўзининг ҳақиқий исмини айтишни истамаган маҳаллий аҳолидан бири.
- Мен Facebook да Канаданинг Aфғонистондан бошпана изловчиларни қабул қилганини ўқидим. Умид қиламанки, мен улардан бири бўламан. Мен армияда хизмат қилдим ва ишимни йўқотдим. Бу ерда қолиш мен учун хавфли, чунки Толибон катта эҳтимол билан мени таъқиб қилади ”.
Aэропорт маъмурияти кетаётган тижорат рейслари бекор қилинганини эълон қилди. Шунингдек, бир нечта авиакомпаниялар Aфғонистон ҳаво ҳудудидан қочишларини эълон қилишди.
