Анчелотти Роналдуни «Реал»га қайтармоқчи экани ҳақидаги хабарларга муносабат билдирди.
«Реал» бош мураббийи Карло Анчелотти «Ювентус» форварди Криштиану Роналдуни Мадридга қайтармоқчи экани ҳақидаги хабарларга муносабат билдирди.
«Криштиану — «Реал»нинг афсонаси, футболчи сифатида уни жуда ҳам яхши кўраман, қадрлайман. Аммо мен «Реал»га қайтганимдан кейин уни Мадридга қайтаришни режалаштирмаганман. Биз фақат олдинга қараймиз», - дея ёзади Анчелотти твиттердаги саҳифасида.
Эслатиб ўтамиз, Анчелотти ва Роналду «Реал»да бирга ишлаб, 2013/2014 йилги мавсумда Чемпионлар лигасида ғолиб бўлишганди.
Аввалроқ, «Ювентус» клуби Роналду трансфери борасидаги ҳар қандай таклифни кўриб чиқмоқчи экани, унинг агенти Жорже Мендеш мижозини «Манчестер Сити»га тавсия қилгани ҳақида хабар берилганди.
