Россиянинг Москва шаҳрида 33 ёшли аёлни ўлдиришда гумонланган Ўзбекистон фуқароси Сирожиддин Акрамов ҳибсга олинди. Бу ҳақда «Rentv» хабар берди.
Қотиллик 13 августга ўтар кечаси Лазоревой довонида содир бўлган. Таъкидланишича, мигрант Яуза қирғоғида югураётган қизни кўриб, уни зўрламоқчи бўлган. Қиз бақира бошлагач эса уни бўғиб ўлдирган. Айтилишича, марҳум Беларусь фуқароси бўлган. У воқеа жойидан яланғоч ҳолда топилган. Жиноят содир бўлган ердан эркаклар кўйлаги топилган.
«Бабушкин туман судининг қарори билан жиноят содир этганликда гумон қилинувчи Россия Жиноят кодексининг 105-моддаси 1-қисми билан 2021 йил 13 октябргача эҳтиёт чораси сифатида қамоққа олинди», — дейилади суд баёнотида.
Қайд этилишича, қотилликдан кейин Акрамов қочишга уринган. Гумонланувчи Яузага сакраб тушиб, сузиб кетган. 16 август куни эса у ҳибсга олинган. Уни қотилликдан олдин ишлаган жойига қайтиб келганида қўлга олишган.
