Йил якунига қадар Тошкентга яна 20та метро вагонлари юборилиши режалаштирилган. Бу ҳақда Sputnik хабар берди.
Тошкентга Россия тараққиёт давлат корпорацияси (ВЭБ.РФ) кўмагида 20та янги ТМХ метро вагонлари юборилган.
Подмосковьенинг Мытищи шаҳрида Россияда ишлаб чиқарилган замонавий метро вагонларини Ўзбекистонга жўнатиш тантанали маросими бўлиб ўтган. Вагонлар Метровагонмаш корхонасида ишлаб чиқарилган.
Вагонлар состави Тошкент метрополитенида ишлатилади. Янги вагонлардан 5та поездларни шакллантириш кўзда тутилган.
Йил якунига қадар Тошкентга яна 20та метро вагонлари юборилиши режалаштирилган.
ВЭБ.РФ ва Тошкент метрополитени ўртасида 40та вагонларни етказиб бериш бўйича кредит шартномаси 2021 йилнинг апрелида имзоланган. Кредит линияси ҳажми 30,4 млн еврони ташкил этиб, у 12 йил муддатга тақдим этилган.
