️ Бугун Ягона порталга ушбу ҳавола орқали кирсангиз, Халқаро имтиҳон тизимлари бўйича юқори балл (даража) тўплаган ёшларнинг компенсацияси билан боғлиқ статистика билан ҳам танишишингиз мумкин. Порталда маълумотлар доимий янгиланиб боради.
Шу кунга қадар 1035 нафар ёшларга имтиҳон харажатлари тўлиқ қоплаб берилган бўлиб, аризаларнинг 964 таси my.gov.uz портали, 542 таси ДХМ орқали келиб тушган. 286 нафар аризачининг талаби рад этилган.
Тизимнинг рақамлаштирилгани очиқлик ва шаффофликни, қулайликни таъминлайди.
Муҳими, билимли, салоҳиятли ёшларимиз ушбу тизим орқали давлат кўмагини ҳис қилишмоқда.
Шу ўринда эслатиб ўтамиз, ушбу имкониятдан 30 ёшгача бўлган барча ёшлар бирдек фойдаланишлари мумкин. Бунинг учун 2021 йил 13 апрелдан (ушбу қарор кучга киргандан) IELTS, SAT, TOEFL, GMAT, GRE каби имтиҳонларда юқори натижа қайд этган ёшлар my.gov.uz портали орқали мурожаат қилсалар кифоя.
Уларга имтиҳон харажатлари исталган шаклда (пластик карта ёки нақд) тўлиқ қоплаб берилади.
ЯИДХП орқали мурожаат этилганда, сўровномани ЭРИ билан тасдиқлаш талаб қилинмайди.
