Бугун Кинематография агентлиги Бош директори Фирдавс Абдухолиқов Туркиянинг Ўзбекистондаги фавқулодда ва мухтор элчиси жаноб Олган Бекар ҳамда Маданият ва туризм масалалари бўйича маслаҳатчиси Алпарслан Акинжи билан учрашди. Бу ҳақда Кинематография агентлиги Ахборот хизмати маълум қилди.
Учрашувда томонлар ўзбек ва турк кино саноатида ўзаро ҳамкорликни йўлга қўйиш, олдинда ўтказилиши режалаштирилаётган “Ипак йўли дурдонаси” Тошкент халқаро кинофестивалини юқори савияда ташкил этиш, фестивалда турк фильмларининг намойиши каби масалалар кўриб чиқилди. Шунингдек, Халқаро фестиваль доирасида турк кино кунлари ҳам бўлиб ўтиши маълум қилинди.
Учрашув давомида Агентлик Бош директори жаноб Олган Бекар орқали турк киноижодкорларини Тошкент халқаро кинофестивалига таклиф қилишдан мамнунлигини билдирди.
