Беш кун давом этадиган Тошкент Халқаро Кинофестивали ўзида бир қанча муҳим жараёнларни жамлаган бўлиб, “Кино 5 кунда” танлови ҳам шулар жумласидан. Танловда 30дан ортиқ давлатдан ташриф буюрган ёш режиссёрлар ўз фильмлари билан иштирок этишади. Бу ҳақда Кинематография агентлиги хабар берди.
“Янги авлод киноси” шиори остида ўтказилиши кутилаётган кўрик-танлов қатнашчилари юртимизнинг турли ҳудудларида бўлиб “Буюк ипак йўли” мавзусида қисқа метражли фильмларни тайёрлашади. Танлов шарти ёш режиссёрлар ўз фильмларини 5 кун ичида суратга олиб, тайёр ҳолда топширилиши лозим.
