АҚШ Президенти Дональд Трамп Россияга қарши "жаҳаннам санкциялари" деб аталган чекловларнинг асосий қисмини ҳозирча жорий этмасликка қарор қилди.
Гап Россиянинг мудофаа, энергетика ва молия соҳаларига, шунингдек, Россия нефти ва газини харид қилувчи давлатларга нисбатан санкциялар ҳақида бормоқда. Бу ҳақда Оқ уй сайтида эълон қилинган фармонда маълум қилинган.
Ҳужжатга кўра, Россия нефти ва газини энг кўп харид қиладиган бешта давлатга нисбатан 100 фоизлик бож, Россиядан импорт қилинадиган маҳсулотларга эса 500 фоизлик бож жорий этиш чоралари ҳозирча қўлланмайди.
Ушбу чекловлар АҚШ Президенти ёки Давлат котиби тегишли қарор қабул қилгунига қадар тўхтатиб турилади. Шу билан бирга, Россияга қарши аввал жорий этилган санкциялар ўз кучида қолади.
