1 сутка ичида 7 142 нафар бемор коронавирусдан вафот этди

Жаҳон соғлиқни сақлаш ташкилоти маълумотларига кўра, охирги сутка давомида дунёда коронавирус инфекцияси билан касалланишнинг 655 952 янги ҳолати аниқланди, 7 142 нафар бемор вафот этди.

Жонс Хопкинс университетининг ҳозирги Тошкент вақти билан соат 15:06 ҳолатидаги маълумотларига кўра, дунёда касалликни  213 миллион 269 мингдан ортиқ одам юқтирган, улардан 4 миллион 453 мингдан ортиғи вафот этган.

Касаллик тасдиқланган ҳолатлар бўйича:

• АҚШ биринчи ўринда турибди, у ерда ЖССТ маълумотларига кўра 38,384 миллиондан ортиқ коронавирус инфекциясини юқтирганлар аниқланган.  
• Иккинчи ўринда Ҳиндистон (32,603 миллиондан ортиқ),  
• учинчи ўринда Бразилия (20,676 миллиондан ортиқ),
• тўртинчи ўринда Франция (6,777 миллиондан ортиқ),
• бешинчи ўринда эса Россия (6,730 миллиондан ортиқ).

ЖССТ маълумотларига кўра, бир сутка давомида:

• АҚШда 153 132,  
• Ҳиндистонда 46 164,  
• Эронда 39 983,  
• Буюк Британияда 35 547,    
• Бразилияда 30 872 нафар янги касалланиш ҳолати аниқланган.