Ички ишлар вазирлигида бир қатор тайинлов амалга оширилди.
Подполковник Нигматов Руфтулло Олимжонович ИИВ Aкадемияси бошлиғининг илмий ишлар ва инновациялар бўйича ўринбосари лавозимига тайинланди.
Тайинловга қадар Р.Нигматов Ўзбекистон Журналистика ва оммавий коммуникациялар университетининг ўқув ишлар бўйича проректори лавозимида фаолият юритган.
Полковник Камалов Ойбек Aхматович ИИВ Aкадемияси бошлиғининг ўринбосари – Aкадемиянинг Нукус филиали бошлиғи лавозимига тайинланди. Тайинловга қадар О.Камалов ИИВ Aкадемияси Сиртқи таълим факултети бошлиғи лавозимида фаолият юритган.
Подполковник Давранов Хусниддин Бахранович ИИВ Aкадемияси бошлиғининг маънавий-маърифий ишлар бўйича ўринбосари лавозимига тайинланди.
Тайинловга қадар Х.Давранов ИИВ Маънавий-маърифий ишлар ва кадрлар билан таъминлаш департаменти, кадрлар фаолиятини назорат этиш бошқармаси, марказий аппарат кадрлар фаолиятини назорат этиш бўлими бошлиғи лавозимида фаолият юритган.
