Бу йил мактаб битирувчиларининг қанчаси грантга кирди? Халқ таълими вазири Шерзод Шерматов бу ҳақда маълумот берди.
Унга кўра, ОТМга ҳужжат топширган мактаб битирувчиларининг сони ошмаган бўлсада, грантга кирганлар сони деярли 2 баробарга ортган ва умумий квотанинг 75 фоизига етган.
"Мактабларнинг натижага ишлашга ҳаракати яхшилангани ҳамда вариатив ўқув синфларини жорий қилинганининг натижаси бу йил яққол кўринди. Бу эса бу йилги битирувчиларимиз бошқа абитуриентларга қараганда яхшироқ тайёрланганидан далолатдир. Бошқа абитуриентларда ҳам репетитор ёки ўқув курсларига қатнаш имкониятлари деярли бир хил бўлган, лекин натижа мактаб битирувчиларида яхшироқ бўлди.
Умуман натижа кўрсатмаган мактаблар раҳбарларига қатъий чоралар кўрилганига, уларнинг сони ўтган йили уч баробарга камайган эди. Ҳали нодавлат ва халқаро ОТМлар ҳужжатлар қабул қилаётганини инобатга олиб, бу йилги қизил мактаблар натижаларини октябрь ойида эълон қиламиз", —дея таъкидлади вазир.
