Жиноят ишлари бўйича Шайхонтоҳур туман судининг ижро варақасига асосан “International Job Organization – xususiy bandlik agentligi” МЧЖ мансабдор шахслари Ш.Абдурахманов ва бошқаларнинг жиноят иши бўйича дастлабки тергов органи томонидан қуйидаги сумма хатланди.
Бош прокуратура ҳузуридаги Мажбурий ижро бюросининг бўлим катта инспектори Рахматилла Азимов маълум қилишича, 1,9 млрд. сўм пул маблағлари ҳамда жами 13,7 млрд. сўмлик мол-мулкларни 1.300 нафар ундирувчиларга етказилган моддий зарарларни қоплашга қаратиш тўғрисидаги ижро ҳужжати Бюронинг Тошкент вилояти бошқармаси иш юритувига келиб тушиб ижро иши қўзғатилган.
Ижро ҳаракатлари давомида хатланган пул маблағларини Бюронинг Тошкент вилояти бўлими депозит ҳисоб рақамларига ўтказиш юзасидан тегишли ташкилотларга мурожаат қилиниб, ушбу пул маблағлари депозит ҳисоб рақамида жамланган.
Ҳозирда мазкур хусусий бандлик агентлигидан жабрланган 299 нафар фуқаролар мурожаат қилиб, ўзларига тегишли ҳисоб рақамлар хақидаги маълумотларни тақдим қилишган.
Ариза топширган фуқаролардан жами 484 нафар фуқароларга 1,1 млрд. сўм тақсимланган пул маблағлари ўтказилиши таъминланди.
Маълумот ўрнида:
Жамиятдан жабр кўрган фуқароларимизнинг аксарияти вилоятларда яшашлигини инобатга олиб, уларга янада қулайлик яратиш ва ортиқча оворагарчиликларнинг олдини олиш мақсадида, Бюро ишчи гуруҳга +998(33)086-61-31 рақамли “Telegram” дастури орқали жабрланувчилар ҳақидаги (паспорт нусха, пластик карточка, банк реквизитлари ва илтимоснома) маълумотларни юборишингиз сўралади.
Шунингдек, Бюронинг Тошкент вилоят бошқармасига хафтанинг душанба-жума кунлари соат 09-00 дан 18-00 га қадар келиб мурожаат қилишлари ҳамда маълумот учун
71-231-68-89 ва 71-263-53-13 рақамлари орқали боғланиш мумкин.
