“Aфросиёб” юқори тезликда ҳаракатланувчи электропоездлари сони яна биттага кўпаяди. Бу ҳақда Ўзбекистон темир йўллари АЖ маълум қилди.
Хабарга кўра, Испаниянинг “Patentes Talgo S.L.U.” компанияси ҳамда “Ўзбекистон темир йўллари” AЖ ўртасида тузилган шартномага биноан “Aфросиёб” поездининг яна битта ҳаракат таркиби Ўзбекистон томон йўл олган.
Поезд Испаниянинг Билбао портидан кема орқали бугун Россиянинг Санкт-Петербург портига етиб келган.
Сафарнинг мазкур босқичида “Ўзбекистон темир йўллари” AЖ мутахассислари россиялик ҳамкасблари билан ҳамкорликда мазкур замонавий поездни релсга қўйиб мамлакатимизга олиб келишга ҳаракатларини бошладилар.
