Ижтимоий тармоқда пойтахтда "Nexia-3" иштирокида содир бўлган ЙТҲ видеоси тарқалмоқда.
Ҳолат юзасидан ИИВ ЙҲХББ Ахборот хизмати маълумот берди.
Дастлабки маълумотларга кўра, 2021 йил 20 сентябрь куни соат 21:50 ларда, Тошкент шаҳар, Чилонзор тумани, Муқумий кўчасида ҳайдовчи, 2000 йилда туғилган С.С. "Nexia-3" русумли автомобилда ҳаракатланаётиб Арнасой кўчаси билан кесишган чорраҳага етган вақтида бошқарувни йўқотган ва қарама-қарши оқимни ажратувчи бўлакда ўрнатилган ёритиш чироғи устунига урилган. Зарб оқибатида устун ағдарилиб, ушбу йўлда бўлган ҳайдовчи, 1993 йилда туғилган М.М. бошқарувидаги "Captiva" русумли автомобилнинг том қисмига тушган.
ЙТҲ натижасида тан жароҳати олганлар йўқ. Транспорт воситаларига техник шикаст етган.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилиб, ҳодиса содир бўлиши сабабларига аниқлик киритилмоқда.
