Маст ҳайдовчи жавобгарликка тортилмаслик мақсадида кўпинча воқеа жойидан қочишга уринади. Сурхондарёлик ҳайдовчи ҳам худди шу ишни қилмоқчи бўлиб ЙПХ ходимларини машинасида судраб кетди.
Йўл ҳаракати хавфсизлиги Бош бошқармасининг маълум қилишича, Ўзбекистон Республикаси Маъмурий жавобгарлик тўғрисидаги Кодекснинг 131-моддаси 1-қисмига кўра, ҳайдовчиларнинг транспорт воситаларини алкоголли ичимликдан, гиёҳванд модда таъсиридан ёки ўзгача тарзда маст ҳолда бошқариши — транспорт воситасини бошқариш ҳуқуқидан бир йилу олти ойдан уч йилгача муддатга маҳрум қилиб, базавий ҳисоблаш миқдорининг йигирма беш баравари миқдорида жарима солишга сабаб бўлади.
