Ташқи меҳнат миграцияси агентлигининг кўмагида 9 нафар ўзбекистонлик мигрантга қарийб 700 минг рубль ойликлари ундириб берилди.
Агентликнинг Самарадаги ваколатхонаси ходимлари Черноречье туманидаги иссиқхонада иш берувчи билан музокаралар ўтказиб, юртдошларимизнинг паспортларини олиб бергани ва ойлик маошлари тўлиқ тўланишини назоратга олган эди.
Ваколатхона ходимлари жорий йилнинг 17-25 сентябрь кунлари мигрантлар ишлаётган иссиқхоналарга ташриф буюриб, меҳнат ва иш шароитларини ўрганди.
Ўрганишлар натижасида 9 нафар меҳнат мигрантининг берилмаётган 685 минг рубль ойлик маоши ундириб берилди. Қолганларнинг иш ҳақлари ҳам қайтарилмоқда.
"Айни пайтда ойлик маошини олган фуқаролар иш жойларидан Ўзбекистонга қайтмоқда",–дейилади агентлик хабарида.
