АОКАда Судьялар олий кенгаши аъзоси Отабек Мирзамаҳмудов иштирокида брифинг ўтказилди.
Унда Судьялар олий кенгаши тўғрисидаги қонунга киритилган ўзгартириш ва қўшимчалар ҳақида маълумотлар берилди.
Унга кўра, судьялик лавозимига номзодлар ва судьяларнинг психологик портрети бўйича касбга муносиблигини баҳолашга кўмаклашувчи миллий электрон дастур амалиётга татбиқ этилди.
️ Судьялар дахлсизлигини таъминлаш ва коррупциянинг олдини олиш бўйича суд инспекцияси тузилди.
Судьялар олий мактабини тамомлаган тингловчилар судьялик лавозимига эълон қилинган танловларда иштирок этиши мумкин.
Судья ҳуқуқбузарлик содир этганликда гумон қилиниб ушлаб турилганда, у ушланган пайтдан эътиборан уч соатдан кечиктирмасдан Судьялар олий кенгашига бу ҳақда ушлаб туриш асос бўлган ҳужжатларнинг кўчирма нусхалари илова қилинган ҳолда хабар қилиниши шарт.
