Президент Шавкат Мирзиёев ташаббуси билан Кинематография агентлиги томонидан ўтказилаётган “Ипак йўли дурдонаси” Тошкент халқаро кинофестивалига ташриф буюрган хорижий делегациялар юртимизнинг турли вилоятларига ташриф буюрган.
Бугун Туркия, Россия, Белурась киноижодкорларидан иборат делегация Хоразмга ташриф буюрди.
У ерда Хоразм миллий куй қўшиқлари билан кутиб олиниб, миллий таомлар тортилди.
Миср Араб Республикаси киноижодкорлари Бухорога ташриф буюрди. Уларга ўзбек кино актёрлари ҳамроҳлик қилмоқда.
Хорижий меҳмонлар вилоятларда илиқ кутиб олинмоқда.
Эслатиб ўтамиз, Тошкент халқаро кинофестивали 3 октябргача давом этади. Кинофестивалнинг бош ҳомийлари “Bosch” TM ҳамда “Easy Booking”.
