Президент Шавкат Мирзиёев ташаббуси билан қайта тикланган ва Кинематография агентлиги томонидан ўтказилаётган “Ипак йўли дурдонаси” Тошкент халқаро кинофестивали доирасида “Туркия кино кунлари” ҳам бўлиб ўтмоқда.
Президент Шавкат Мирзиёев ташаббуси билан Кинематография агентлиги томонидан Тошкент халқаро кинофестивали доирасида бугун Ўзбекистон халқаро анжуманлар саройида турк киноижодкорлари билан ижодий кеча ташкил этилди.
Ушбу кечада таниқли турк киноюлдузлари Ўзжан Дениз, Мелиса Памук, Сезан Зенген, Дилан Дениз каби туркиялик актёрлар иштирок этишди. Ташриф буюрган меҳмонларга ўзбек ва турк маданияти акс этган концерт дастури тақдим этилди.
Халқаро анжуманлар саройида 2 октябрга қадар турк бадиий фильмларининг бепул намойишлари бўлиб ўтади.
Маълумот учун, кинофестивалга таниқли турк киноюлдузлари Ўзжан Дениз, Мелиса Памук, Сезан Зенген, Дилан Дениз ва бошқалар ташриф буюрган. Дастурдан туркиялик ижодкорлар томонидан маҳорат дарслари, давра суҳбатлари ўрин олган.
Эслатиб ўтамиз, Ўзбекистон Президенти ташаббуси билан қайта тикланган Тошкент халқаро кинофестивали 3 октябргача давом этади.
