АҚШ ҳукумати Афғонистондан чиқарилишдан олдинроқ Кобулга берган ҳаво зарбасида ҳалок бўлган 10 нафар афғоннинг қариндошларига компенсация тўламоқчи. Вафот этганларнинг 7 нафарини ёш болалар ташкил қилади. Бу ҳақда BBC хабар бермоқда.
Қайд этилишича, ҳалок бўлганларнинг қариндошлари АҚШ ҳукумати кечирим сўраш ёки ҳалок бўлганлар учун компенсация тўлаш тўғрисида алоқага чиқмаганидан шикоят қилган.
Манба берган хабарга кўра, 15 октябрь куни АҚШ мудофаа вазирининг ўринбосари Колин Кал Nutrition and Education International ташкилотининг раҳбари Стивен Квон билан мулоқатда ҳалок бўлганларнинг оилаларига товон пули тўлашни таклиф қилган.
Маълум қилинишича, Ҳалок бўлганлардан бири Замаири Аҳмадий ҳам шу ташкилотда ишлаган. Таржимон сифатида фаолият кўрсатган Аҳмад Носир авизарба натижасида вафот этган.
Бундан ташқари, Пентагон авизарба натижасида ҳалок бўлганларнинг қариндошларини АҚШга кўчириш масаласини ҳам кўриб чиқмоқда.
Иззатбек Абдуваҳобов тайёрлади
