COVID-19га қарши курашиш ва вакциналар сотиб олиш учун қўшимча 1,3 трлн сўм ажратилди.
14 октябрь куни Олий Мажлис Қонунчилик палатасининг Аҳоли саломатлигини мустаҳкамлаш борасидаги ислоҳотларни ҳаётга татбиқ этиш бўйича парламент комиссияси йиғилишида коронавирусга қарши профилактик эмлаш тадбирларини ташкил этиш масалалари муҳокама қилинди.
Қайд этилишича, коронавирус пандемиясига қарши курашиш ва вакцина сотиб олиш учун учун 2021 йил Давлат бюджетида 3 трлн сўм захира шакллантирилган эди. Айни пайтда ушбу маблағ тўлиқ ўзлаштирилган.
Шунингдек, яна қўшимча ажратилган 1,3 трлн сўм маблағнинг жойларга ўз вақтида етказилиши ва мақсадли ишлатилиши устидан депутатлик назорати олиб борилмоқда. Бугунги кунда ушбу ажратилган мабалағларнинг 800 млрд сўми ўзлаштириб бўлинган.
