Бугун Ангренда айрим хонадонлар электрдан узиб қуйилади. Бу ҳақда Ангрен ШЭТК огоҳлантирмоқда.
Қайд этилишича, Ангрен шаҳрида электр энергиясини ҳисобга олиш ва назорат қилишнинг автоматлаштирилган тизими (АСКУЭ) жорий этилганлиги муносабати билан дебитор қарздорлиги мавжуд истеъмолчилар автоматик тарзда тармоқдан ажратилади.
"Электр энергиясидаги узилишларнинг олдини олиш мақсадида мамлакатимизда мавжуд барча тўлов тизимлари (U-Pay, Click, Payme, Paynet) ҳамда банкларнинг мобил иловалари орқали уйдан чиқмасдан туриб фойдаланилган электр энергияси учун тўловларни амалга оширишингиз мумкин",–дейилади хабарда.
