Марказий банкда ўтказилган матбуот анжуманида нима учун асосий йиллик ставка ўзгаришсиз қолганига изоҳ бериб ўтилди.
Унда таъкидланишича, бутунжаҳонда кузатилаётган ва ҳамон давом этаётган пандемияни ҳисобга олган ҳолда банкнинг асосий ставкаси ўзгаришсиз қолдирилган.
"Ушбу жараён қанча вақт давом этиши бизга номаълум", - деди марказий банк раиси Мамаризо Нурмуратов. Маълум қилинишича, пандемия чекиниши ёки бошқа омиллар сабаб ставка ҳам ўзгариши ёки аксинча бўлиши мумкин.
Маълумот учун: асосий ставкани кўриб чиқиш бўйича Марказий банк Бошқарувининг навбатдаги йиғилиши 2021 йил 9 декабрь кунига белгиланган.
