Янгийўлда 11 ёшли велосипедчи юк автомобили ғилдираклари остида қолиб, ҳалок бўлди, дея хабар берди Тошкент вилояти ИИББ Ахборот хизматига таяниб, UzNews.uz'.
Велосипед миниб кетаётган бола орқасидан келаётган HOWO'ни пайқамай қолган.
Маълум бўлишича, жорий йилнинг 21 октябрь куни соат тахминан 11:00 ларда Янгийўл тумани ҳудудидан ўтган автомобиль йўлида 2010 йилда туғилган бола велосипедда ҳаракатланиб кетаётган вақтида, эҳтиётсизлик оқибатида, шу йўналишда ҳаракатланиб кетаётган 1963 йилда туғилган ҳайдовчи бошқарувидаги HOWO русумли юк автомобилининг орқа ғилдираклари остига йиқилиб тушган.
ЙТҲ натижасида болакай воқеа жойида вафот этди.
Ҳозирда ҳолат бўйича тергов суриштирув ишлари олиб борилмоқда.
