АҚШ давлат депаратменти куни кеча Ўзбекистонда бўлиб ўтган сайлов жараёнлари бўйича ўз хулосасини берди.
Қайд этилишича, Президент сайлови сиёсий жиҳатдан чекланган муҳитда ўтказилган.
"Америка Қўшма Штатлари 24 октябрь куни ўзбек халқини бўлиб ўтган президентлик сайловларида ўз овоз бериш ҳуқуқларидан фойдаланганларини қўллаб-қувватлайди.
Биз, Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси (ЕХҲТ ДИИҲБ) мониторинг миссияси овоз бериш тинч ўтгани ва сайловчиларнинг юқори фаоллик кўрсатганлигига қўшиламиз.
Лекин шуни айтиш лозимки, сайловлар ҳаддан ташқари чекланган сиёсий муҳитда ўтди ва муҳим сайлов кафолатлари эътиборга олинмади",–дейилади ЕХҲТ ДИИҲБ сайлов жараёнларига нисбатан айтган хулосасида.
Шунингдек, Америка Қўшма Штатлари ЕХҲТ кузатувчи миссияси Ўзбекистон ҳукумати билан ҳамкорлик яхшиланганини олқишламоқда.
"Биз икки томонлама ва минтақавий аҳамиятга молик бошқа кўплаб масалалар бўйича Ўзбекистон ҳукумати билан ҳамкорликни давом эттириш тарафдоримиз",–дейилади баёнотда.
