Белградда ўтказилаётган бокс бўйича жаҳон чемпионатида энг оғир вазн тоифасида иштирок этаётган Лазизбек Муллажонов (+92 кг) навбатдаги ғалабасини қўлга киритди.
Ўзбекистон миллий олимпия қўмитаси бу ҳақда хабар берди.
Таъкидланишича, англиялик Делициус Орега қарши рингга кўтарилган Ўзбекистон вакили ўзининг тезкор ва аниқ зарбалари билан ажралиб турган.
Якунда бу ҳаракатлар ҳакамларнинг ҳам эътиборидан четда қолмади.
Энди Муллажонов чорак финалда арманистонлик Давит Чалоян билан ҳисоб-китоб қиладиган бўлди.