Нуну Эшпириту Санту “Тоттенҳэм” бош мураббийи лавозимини тарк этди. Бу ҳақда клуб расмий манбаси хабар берди.
47 ёшли мутахассис ёзда жамоани қабул қилиб олган ва “шпорлар”ни 4 ой давомида бошқарди. Натижалар қониқарсиз бўлгани туфайли португалиялик мутахассис муддатидан олдин истеъфога чиқарилди. Санту билан биргаликда унинг мураббийлар штаби ҳам “Тоттенҳэм”ни тарк этади.
"Тоттенхэм" ушбу мутахассис қўл остида АПЛ 10-туридан кейин 15 очко билан 8-ўринни эгаллаб турибди.
Маълум бўлишича, Антонио Конте тез орада “Тоттенхэм” бош мураббийи этиб тайинланиши мумкин.
